कविता अभिनीत ‘कलेजी कटाउन्या माया’ ट्रेन्डिङको यात्रामा
१९ असार २०८१, मंगलवार
मोडल कविता न्यौपाने अभिनीत गीत ‘कलेजी कटाउन्या माया’ ले युट्युब ट्रेन्डिङको यात्रा सुरू गरेको छ।
शनिबार सार्वजनिक भिडिओलाई सोमबार बेलुकासम्म १ लाख बढीले हेरिसकेका छन् भने गीत युट्युबमा संगीततर्फ ट्रेन्डिङमा परेको हो।
महेश कुमार औजी र बादल थापाको स्वर रहेको गीतको भिडिओमा कवितासँगै चक्र बम र जोन बमको अभिनय छ। गीतमा प्रेम र विछोडको कथा देखाइएको छ। गीत र भिडिओलाई लिएर आएका प्रतिक्रियाहरु पनि सुखद् छन्।
मोडल कविताले यसअघि डान्सिङ खालका गीतमा बढी काम गरिरहेको र यसपटक फरक खालको भिडिओमा काम गर्न पाउँदा खुशी लागेकोे बताइन्।
‘कलेजी कटाउन्या माया’ गीत एक दशकअघि सार्वजनिक भएर चर्चामा आएको थियो। अहिले सोही गीतलाई नयाँ भर्सनमा ल्याइएको हो। गीतमा शब्द र संगीत महेश औजीको छ भने कमल सौरागले एरेन्ज गरेका हुन्।
शान थापाको निर्देशनमा भिडिओ तयार भएको हो।