‘जालो’ वान टेकमा खिचिएको ३ घण्टा ५३ मिनेट लामो नेपालकै पहिलो चलचित्र, कसरी खिचिएको थियो ?
काठमाडौं । नेपाली सिनेमा उद्योगमा एउटा फरक प्रयोग थियो, चलचित्र ‘जालो’ । जसले नयाँ प्रयोग गर्यो ।
‘जालो’ ‘वान सर्ट मुभी’ हो । यो अहिलेसम्मको पहिलो र अन्तिम नेपाली वान सर्ट मुभी हो ।
विसं २०७४ जेठ १९ गते रिलिज भएको यो चलचित्र एक सर्टमा खिचिएको थियो । कुनै पनि सिनमा दोहोर्याएर टेक नलिई एकै सटमा खिचिएको थियो ।
क्यामेरा अन भएपछि एकैपटक सिनेमा सकिएपछि मात्रै अफ भएको थियो । अथवा सिनेमाका सबै सर्ट क्यामेरा अनभएपछि एकैपटक खिचिएको थियो ।
आआफ्नो सिन र डाइलगमा पहिला नै तयार भएका कलाकार एउटा सिन सकिएलगत्तै अर्को सिनेमा तुरुन्तै एकपछि अर्को गर्दै आएर अभिनय गरेका थिए । महिनौं लामो वर्कसपका कारण यो सम्भव भएको थियो ।
एकैपटक यो चलचित्रको दुईवटा भाग खिचिएको थियो । ‘जालो’ र ‘जालो रिटर्न्स’ । ‘जालो’ रिलिज भए पनि ‘जालो रिटर्न्स’ भने हलमा रिलिज भएन । पहिलो चलचित्र व्यापारिक रुपमा सफल नभएपछि आर्थिक अभावका कारण ‘जालो रिटर्न्स’ हल रिलिज हुन सकेन ।
‘जालो’ भने युट्युबमा पनि रिलिज भइसकेको छ ।
वान सट मुभी ‘जालो’ ५३ वटा हलमा रिलिज भएको थियो । ‘जालो’ ले काठमाडौंमा १७ र काठमाडौं उपत्यका बाहिर ३६ शो गरी नेपालभर ५३ वटा शो पाएको थियो ।
तर र्यापर समेत रहेका अराजकेशव गिरीले निर्देशन गरेको यो चलचित्र व्यापारिक रूपमा भने सफल हुन सकेन । चलचित्रमा संगीतकार मोहित मुनालले लगानी गरेका थिए ।
‘जालो’ वान सर्टमा खिचेर विश्वकै लामो वन टेक मुभीको रेकर्ड बनाउन निर्माण गरिएको थियो । निर्माणपक्षले यसलाई विश्वकै लामो वान सर्ट मुभी भएको दाबी गर्छ ।
‘जालो’लाई लेन्थ ३ घण्टा ५३ मिनेट खिचेर दुईवटा चलचित्रमा विभाजन गरिएको थियो । ‘जालो’ १ घण्टा ४७ मिनेटको लामो थियो ।
चलचित्र ‘जालो’मा नीर शाह, प्रकाश शाह, अनुपविक्रम शाही, रेमनदास श्रेष्ठ, मेनुका प्रधान, मुना गौचन, निराजन प्रधानलगायत कलाकारको अभिनय थियो ।