चलचित्र ‘किस्ने कहाँ छ ?’को औपचारिक घोषणा

काठमाडौं । चलचित्र ‘किस्ने कहाँ छ ?’ निर्माणको औपचारिक घोषणा गरिएको छ ।
कमेडी जनरामा बन्ने यो चलचित्रलाई राजेन्द्र बस्नेतले निर्देशन गर्नेछन् ।
चलचित्रको थिम पोस्टर सार्वजनिक गर्दै चलचित्रको घोषणा गरिएको छ । थिम पोस्टरमा एउटा गाडी हिलो बाटोमा रोकिएर बाटोमा काम गर्दै गरेको मान्छेसँग कुरा गर्दै गरेको देखिन्छ ।
चलचित्रको कथा, पटकथा र संवाद लेखक विनय राज पौडेलले तयार पारेका छन् । ग्रीन प्यारोट्स फिल्म प्रोडक्सनको ब्यानरमा निर्माण हुने यस चलचित्रमा हेमन्त बस्नेतको लगानी रहेनेछ । कार्यकारी निर्माता इश्वर वल्लव उप्रेती रहेका छन् ।
कलाकारहरूको टुंगो भने अझै लागिसकेको छैन । कलाकार छनोटको कार्य भइरहेको निर्माण टिमले जनाएको छ ।