नेपालको पहिलो एनिमेटेड चलचित्र कुन हो ?
काठमाडौं । नेपाली चलचित्र उद्योगले थुप्रै रेकर्ड बनाइसकेको छ । नेपाल बाहिर खासै स्थान बनाउन नसके पनि लामै समय भएकाले नेपाल भित्र भने थुप्रै रेकर्ड बनाइसकेको छ ।
यसैक्रममा बनेको एउटा रेकर्ड हो, एनिमेटेड चलचित्रको । नेपालमा सतप्रतिशत एनिमेटेड चलचित्र बनिसकेको छ । यो हो ‘सलीना । विसं २०८० मा यो चलचित्र बनेको हो ।
निर्माण सम्पन्न भएर सेन्सर गरे पनि यो चलचित्र रिलिज भने हुन सकेन । २०८० चैत १६ गते यो चलचित्र रिलिज गर्ने तयारी थियो । निर्माण टिमले यही मितिमा रिलिन हुने भनेर प्रचार पनि गरेको थियो । तर पनि रिलिज हुन सकेन ।
रिलिन हुन नसक्नुको कारण भने हलहरूले थोरे शो दिए भनेर हो । त्यसैले रिलिजको अघिल्लो दिन निर्माण पक्ष पछि हट्दै रिलिज नगर्ने निर्णय गरेको थियो ।
नयाँ प्रविधिमा वर्षौं लगायर नेपालमै पहिलोपटक बनाइएको चलचित्रलाई प्रोत्साहन गर्नुको सट्टा शो कम दिएको र दिएका शो समय पनि अनुकूल नरहेको बताउँदै निर्माताले रिलिज रोकेका थिए ।
‘सलीना’ रेनमेकर एनिमेसन एकेडेमीले बनाएको थिया । यो चलचित्रको सम्पूर्ण कार्य नेपालमै गरिएको थियो ।
चलचित्र ‘सलीना’लाई निर्देशक तेजस राज जोशीले निर्देशन गरेका थिए । यो चलचित्र बनाउन ६ वर्ष लागेको थियो ।
चलचित्रमा निर्देशक जोशी र श्रुति श्रेष्ठले संयुक्त लगानी रहेको थियो । ‘सलीना’लाई शिव पुरी र श्रुति श्रेष्ठको संयुक्त सम्पादन गरेका थिए ।
‘सलीना’मा सगिन महर्जन, अविनाश सिंह थारु र शिरभा मानन्धरको ग्राफिक रहेको थियो ।
‘सलीना’ को कथा दन्त्य कथाको जस्तै राजकुमारीको हो । असाधारण उद्देश्यले जन्म भएको राजकुमारी अन्य पात्रसँग मिलेर सबैभन्दा ठूलो राक्षसनीलाई हराउने अभियानको यात्रा सुरु गर्छिन् र यसैको सेरोफेरोमा चलचित्रको कथा आगाडी बढेको बताइएको थियो ।
चलचित्र विशेष गरेर बालबालिका लक्षित भए पनि सबैका लागि उपयुक्त रहेको निर्देशक तेजस राज जोशीले बताएका थिए ।
