चलचित्र ‘पूजा, सर’ले फ्रान्समा रच्यो इतिहास
काठमाडौं । नेपाली चलचित्र ‘पूजा, सर’ फ्रान्सका ६२ सिनेमा घरमा एकैपटक रिलिज हुने भएको छ । अन्तर्राष्ट्रिय सिनेमाको केन्द्र मानिने फ्रान्समा यति ठूलो संख्यामा नेपाली चलचित्र रिलिज हुन लागेको यो पहिलो पटक हो ।
दीपक रौनियारले निर्देशन गरेको चलचित्र ‘पूजा, सर’ नेपालमा ‘राजागंज’को नामबाट गत वर्षको चैत १ गते यो चलचित्र रिलिज भएको थियो ।
चलचित्रमा आशा मगराती मुख्य भूमिकामा छिन् । दयाहाङ राई, विजय बराल, ऋचा शर्मा, पशुपति राई, निकिता चाण्डक, गौमाया गुरुङ, पुष्पा यादव, आरती मण्डललगायत कलाकारको अभिनय छ ।
