यस्ता नयाँ–नयाँ रेकर्ड बनाउँदै ‘सैयारा’

काठमाडौं । बलिउड सिनेमा ‘सैयारा’ले बक्सअफिसमा धुम मच्चाइहँदा नयाँनयाँ रेकर्ड पनि बनाइरहेको छ । ‘सैयारा’ दोस्रो शनिबार सबैभन्दा धेरै नेट कलेक्सन गर्ने चलचित्र बनेको छ ।

९ औँ दिनमा २७.५० करोड नेट कलेक्सन गर्दै यो सिनेमा बलिउडमा दोस्रो शनिबार सबैभन्दा धेरै नेट कलेक्सन गर्ने चलचित्रमध्ये एक रहेको इतिहास बनाएको हो ।

‘सैयारा’ नयाँ कलाकारले अभिनय गरेको सबैभन्दा चाँडो २०० करोड नेट कलेक्सन गर्ने चलचित्र पनि बनेको छ । नौ दिनमा नै यो सिनेमा २०० करोड कल्बमा प्रवेश गरेको छ ।

• 
• 
• 

यो चलचित्रले तीन दिनमा ८४ करोड भारतीय रुपैयाँ नेट कलेक्सन गरेको थियो । पहिलो दिन २२ करोड, दोस्रो दिन २६.२५ करोडm तेस्रो दिन ३५.७५ करोड भारु कलेक्सन गरेको थियो ।

चौथो दिन २४ करोड, पाँचौँ दिन २५ करोड, छैटौँ दिन २१ करोड, सातौँ दिन १८.५० करोड, आठौँ दिन १८ करोड र नवौँ दिन २७.५० करोड नेट कलेक्सन गरेको छ । नौ दिनमा ‘सैयारा’ले २१६.५० करोड नेट कलेक्सन गरेको छ ।

‘सैयारा’ म्युजिकल लभस्टोरी सिनेमा हो । यशराज फिल्म्सको ब्यानरमा बनेको चलचित्रलाई मोहित सुरीले निर्देशन गरेका छन् ।

‘सैयारा’मा नयाँ कलाकारको अभिनय छ । चलचित्रमा अहान पाण्डे र अनित पड्डाको मुख्य भूमिका छ ।