‘मिस टिन अर्थ–२०२५’मा नेपालको प्रतिनिधित्व मल्लले गर्ने
काठमाडौं । १९ वर्षीया प्रिन्सेस मल्लले ‘मिस टिन अर्थ–२०२५’ मा नेपालको प्रतिनिधित्व गर्ने भएकी छिन् । यो अन्तर्राष्ट्रिय सौन्दर्य प्रतियोगिता भारतको जयपुरमा अगस्ट ३ देखि ९ सम्म हुँदैछ ।
‘एस अफ मोडेल्स अन फायर’नामक नेपालको अग्रणी मोडलिङ प्रतियोगिताको विजेता बनेर प्रिन्सेसले यो अवसर प्राप्त गरेकी हुन् ।
प्रिन्सेस साउन १५ मा जयपुर प्रस्थान गर्नेछिन् । उनले क्याप्चर फोटोग्राफी नेपालको तर्फबाट नेपालको प्रतिनिधित्व गर्नेछिन् ।
