‘कान्तारा च्याप्टर १’ रिलिजअघि ऋषभ शेट्टीको नयाँ सिनेमाको घोषणा, योद्धाको भूमिकामा देखिने
काठमाडौं । अश्विन गंगाराजुको निर्देशन रहने ऐतिहासिक-एक्सन ड्रामा चलचित्रको घोषणा गरिएको छ । यो सिनेमाको निर्माताहरूले बुधवार एक पोस्टर सार्वजनिक गर्दै निर्माणको घोषणा गरेका गरेका हुन् ।
यस ऐतिहासिक–एक्सन ड्रामा नयाँ चलचित्रको मुख्य भूमिकामा ‘कान्तारा’ का निर्देशक तथा अभिनेता ऋषभ शेट्टी देखिने भएका छन् ।
चलचित्र सितारा इन्टरटेन्मेन्टको ब्यानरमा निर्माण हुनेछ । यो सिनेमाको शीर्षक भने खुलाइएको छैन ।
इन्स्टाग्राम पोस्टमार्फत निर्माताहरूले क्याप्शनमा लेखेका छन्, ‘सबै विद्रोही युद्धमै जन्मेका हुँदैनन्, कोही भाग्यले रोजिन्छन् ।’ उनीहरूले यो पनि लेखेका छन् कि, यो चलचित्र ३६ औं निर्माणको रूपमा ऋषभ शेट्टीजस्ता प्रतिभाशाली कलाकारलाई संलग्न गरिनु गर्वको कुरा हो ।
सिनेमाको सार्वजनिक पोस्टर अनुसार ऋषभ शेट्टी एक योद्धाको भूमिकामा देखिन्छन् । जहाँ उनलाई मुखमा कपडा बाँधेको, ढाडमा दुई तरवार बोकेको र युद्धको मैदानतर्फ अघि बढिरहेको दृश्यमा सयौं सिपाहीहरू भिडन्तको तयारीमा देखिन्छन्, साथमा तोप र बन्दुकजस्ता भारी अस्त्रहरू पनि देख्न सकिन्छ ।
यो चलचित्र तेलुगु र कन्नड भाषामा छायांकन गरिनेछ भने तमिल, हिन्दी र मलयालमलगायत विभिन्न भाषामा रिलिज गरिने तयारी छ । सिनेमाको कथा १८ औं शताब्दीको बंगालमा आधारित रहेको जनाइएको छ, जहाँ विद्रोह, युद्ध र बलिदानीको गहिरो कथावस्तु प्रस्तुत गरिने अपेक्षा गरिएको छ ।
यसैबीच, ऋषभ शेट्टी ‘कान्तारा च्याप्टर १’ को तयारीमा पनि व्यस्त छन् । उनले आफैं निर्देशन गरेको यो सिनेमा २ अक्टोबर २०२५ मा प्रदर्शनमा आउने पक्का भइसकेको छ । होम्बाले फिल्म्सको प्रस्तुति रहेको यस चलचित्रलाई विजय किरागन्दुरद्वारा निर्माण गरेका हुन् ।
A post shared by Sithara Entertainments (@sitharaentertainments)