पाँडेले सुरु गरे ‘झरीपछिको इन्द्रेणी’को छायाकंन
काठमाडौं । चलचित्रको नाम ‘झरीपछिको इन्द्रेणी’को छायाकंन सुरु गएिको छ । बिहीबार ललितपुरस्थित धन्वन्तरी बाराही मन्दिरमा शुभमुहूर्त गर्दै छायाकंन सुरु गएिको हो ।
यस चलचित्रलाई टेलिसिरियलका चर्चित कलाकार तथा निर्देशक अर्जुन घिमिरे (पाँडे) निर्देशन गर्दैछन् ।
पशुपति शिवजी इन्टरटेन्मेन्टको सुशील व्यानरको प्रस्तुति रहने यो चलचित्रलाई सुशील कडरियाले निर्माण गर्न लागेका हुन् ।
यो चलचित्रमा दीपाश्री निरौला, रमेश उप्रेती, गणेश उप्रेती, निर्मल शर्मा, प्रियाना आचार्य (मुन्नी), विमल पुरी, जेशिका पोखरेल, विमोचन दवाडी लगायत कलाकारहरुको अभिनय रहने छ ।
गणेश उप्रेती यो सिनेमाकालागि अमेरिकाबाट नेपाल आइसकेका छन् । अर्जुन घिमिरे (पाँडे) स्वयंले पनि अभिनय गर्नेछन् ।
पशुपति शिवजी इन्टरटेन्मेन्ट प्रालिको ब्यानरमा निर्माण हुन लागेको चलचित्रमा कुमार व्यञ्जनकार (कुमार बेन)को कथा, अर्जुन घिमिरे र विशाल घिमिरेको पटकथा रहने छ ।
चलचित्रमा लगानी रियासा दाहालको रहनेछ । उनी रुटिन अफ नेपाल बन्दका सञ्चालक भिक्टर पौडेलकी श्रीमती हुन् ।
चलचित्रमा काठमाडौं महानगरपालिकाका मेयर बालेन शाहको गीत रहनेछ ।
बुद्ध थापा छायाकार रहेको चलचित्रमा आकाश उखेडा मुख्य सहायक निर्देशक, विशाल घिमिरे सहायक निर्देशक र प्रोडक्सन म्यानेजर दीलिप पन्त रहेका छन् ।
चलचित्रको छायांकन एक महिना हुनेछ । सबै छायांकन काठमाडौंमा हुने बताइएको छ । आजैबाट छायांकन सुरु हुनेछ ।
यसअघि ‘लाज शरणम्’मा अर्जुन कार्यकारी निर्माता रहेका थिए भने कुमार कट्टेलले निर्देशन गरेका थिए । ‘लाज शरणम्’ ‘सक्किगोनी’ टिमले बनाएको चलचित्र थियो ।
