चलचित्र ‘मोहर’को नयाँ गीत ‘सपना हो की विपना हो’ सार्वजनिक
काठमाडौं । ओम प्रतिकले लेखन तथा निर्देशन रहेको चलचित्र ‘मोहर’को नयाँ गीत ‘सपना हो की विपना हो कि जिन्दगी’ बोलको गीत सार्वजनिक भएको छ ।
साउनको २३ गतेबाट रिलिजमा आउन लागेको सिनेमाको सार्वजनिक गीतमा थानेश्वर गौतम र शान्ती श्री परियारको स्वर रहेको छ ।
गीतमा प्रभा बर्तौलाको शब्द रचना तथा गायक गौतम स्वयंको संगीत रहेको छ ।
कर्णप्रिय शब्दहरु रहेको यो गीतले चलचित्रका पात्रहरुको वियोगान्त कथा बोलेको छ ।
फिल्म मेकर्स प्रा.लिको व्यानरमा निर्माण भएको यो सिनेमाका निर्माता चुम्बन जंग शाही हुन् ।
चलचित्रमा पल शाह, बेनिशा हमाल, अर्जुन जंग शाही, नीति शाह, मिथिला शर्मा, रविन्द्र झा, लक्ष्मी गिरी, मिस पबी, सुशील देवकोटा, लक्ष्मीनाथ तिमिल्सिना, सिद्धार्थ सिंह, दत्त पण्डित, गीता थापा, नविन खतिवडा, अर्जुन आचार्य लगायतका कलाकारहरुको मुख्य भूमिका छ ।
चलचित्रमा बाल–कलाकारको रुपमा सारा शर्माले अभिनय गरेकी छिन् ।
दीपेन बस्न्यातको डीओपी रहेको चलचित्रमा भूपेन्द्र अधिकारीको सम्पादन, सुरेश अधिकारी, थानेश्वर गौतम, एसडी योगीको संगीत, समीर मियाको भीएफएक्स छ ।
कुमार महर्जनको एक्सन रहेको चलचित्रमा रामजी लामिछाने र कविराज गहतराजको कोरियोग्राफी छ । गिरिराज घिमिरे मुख्य सहायक निर्देशन रहेको चलचित्रको ट्रेलर र २ गीतले दर्शकको ध्यान खिचिसकेको छ ।