फिल्म ‘सुख दुःख’मा विपना थापा अनुबन्धित

काठमाडौं । फिल्म ‘सुख दुःख’मा विपना थापा अनुबन्धित भएकी छन् । निर्माण टिमले बुधबार अनुबन्ध गरेको हो । यसअघि नीता र विपनाले फिल्म ‘ह्रस्वदीर्घ’मा सहकार्य गरेका थिए । यो उनीहरुको दोस्रो सहकार्य हो । विपनाले फिल्म ‘सुख दुख’मा आफू पनि जोडिन पाउँदा एकदम खुसी लागेको बताइन् ।

उनले फिल्मको कथाले नै आफुलाई मन छोएको र नीताको निर्देशनमा बन्न लागेको फिल्ममा काम गर्न पाउदा असाध्यै उत्साहित भएको बताइन् ।

नीताले यसअघि यो फिल्मका लागि कलाकारका रुपमा मिथिला शर्मा,मदनकृष्ण श्रेष्ठ अनुबन्ध गरिसकेकी छन् । यस फिल्मको अन्य कलाकार र प्राविधिक पक्षको बारेमा विस्तारै जानकारी दिँदै जाने निर्देशक अधिकारीको भनाई छ ।

आगामी फागुनबाट छायांकनमा जाने यो फिल्मलाई चर्चित भारतिय छायांकार कवीरलाल र शाहिदलालले छायांकन गर्दैछन् । ‘नीता फिल्म्स’को ब्यानरमा बन्न लागेको यो फिल्म आगामी वर्ष दसैंको फूलपातीबाट प्रदर्शनमा आउदैछ ।

यो फिल्मको वितरण अधिकार उपत्यकाबाहिर एफडी कम्पनीले लिएको छ भने उपत्यकाभित्र रिच इन्टरटेनमेन्टले पाएको छ ।