चलचित्र ‘माग्ने राजा’को ट्रेलर सार्वजनिक

काठमाडौं । चलचित्र ‘माग्ने राजा’को ट्रेलर सार्वजनिक भएकाे छ । चलचित्रकाे ३ मिनेट ४० सेकेण्ड लामो ट्रेलर सार्वजनिक भएकाे हो । चलचित्रको ट्रेलरमा मुख्य अभिनेता केदार घिमिरे (माग्ने बुढा)लाई नै देख्न सकिन्छ ।

अभिनेता केदार घिमिरे (माग्ने बुढा)सहित वर्षा सिवाकोटी, विल्सनविक्रम राई, शिशिर बाङ्देल, शारदा गिरीलाई ट्रेलरमा स्थान दिइएको छ । सार्वजनिक ट्रेलरमा मिस पबीलाई टेलिभिजन प्रस्तोता तथा गायिका तथा पूर्व राष्ट्रियसभा सदस्य कोमल वलीलाई न्यायाधीशको रुपमा देख्न सकिन्छ ।

आरम्भ प्रोडक्सनको ब्यानरमा निर्माण भएको सिनेमाका प्रस्तुतकर्ता तथा निर्माता मुनाल घिमिरे हुन् । ‘इच्छा’ रिलिजको लामो समयपछि सिनेमा निर्माणमा फर्केका छन् । निर्माता घिमिरे हाल दाङको घोराही उपमहानगरपालिका वडा नम्बर ४ का वडा अध्यक्ष समेत हुन् ।