‘हरिबहादुरको जुत्ता’को नयाँ पोस्टर तीन मुख्य पात्र

काठमाडौं । चलचित्र ‘हरिबहादुरको जुत्ता’को नयाँ पोस्टर सार्वजनिक भएको छ । निर्माण टिमले बिहीबार सार्वजनिक गरेको पोस्टरमा सिनेमाका मुख्य तीन कलाकार छन् ।
दीपेन्द्र के खनालको निर्देशन गरेको चलचित्रको नयाँ पोस्टरमा हरिवंश आचार्य, प्रकाश सपूत र स्वस्तिमा खड्का छन् ।हरिवंश आचार्य आफ्नै चर्चित टेलिभिजन सिरियल हरिबहादुर क्यारेक्टरमा छन् । प्रकाशले हरिवंहको कान समाएका छन् । स्वस्तिमा मन्द मुस्कानमा छिन् ।
दशैँको फूलपातीमा रिलिज हुने चलचित्रमा हरिवंश, प्रकाश र स्वस्तिमासँगै प्रियंका कार्की, हरिहर शर्मा, दिव्य देव, किरण केसी, राजाराम पौडेल, दिनेश काफ्ले, कमलमणि नेपाललगायत कलाकारको अभिनय छ ।
सिनेमालाई सरोज ओली र मोहितवंश आचार्यले निर्माण गरेका हुन् । कृष्णबहादुर थापाले खिचेको सिनेमालाई नकुल खड्काले सम्पादन गरेका छन् ।