‘कश्यप’मार्फत डेब्यु गर्दै टिकटकर आभा ढुंगानाको
काठमाडाैं । फिल्म ‘कश्यप’ मा लोकप्रिय टिकटक स्टार तथा इन्फ्लुएन्सर आभा ढुंगाना अभिनेत्रीका रुपमा अनुबन्धित भएकी छन् । निर्देशक दिनेश जी खड्काका अनुसार, कथाको मागअनुसार नयाँ अनुहारलाई फाइनल गरिएको हो ।
यसै फिल्ममार्फत बालकलाकार रिद्धी खत्रीले पनि नेपाली रजतपटमा डेब्यु गर्न लागेकी छन् । अडिसनमार्फत चयन भएकी रिद्धीले ‘कश्यप’को महत्वपूर्ण पात्रमा अवसर पाएकी हुन् ।
यसअघि निर्माण पक्षले एक्सन हिरो सविन श्रेष्ठलाई फिचर गरेर फष्टलुक पोस्टर सार्वजनिक गरिसकेको छ, जसले फिल्मप्रति दर्शकमाझ उत्सुकता र कौतुहलता बढाएको छ ।
एक्सन, प्रेम र म्युजिकल्ली रुपमा उत्कृष्टता दिँदै ‘कश्यप’ पूर्णरुपमा मनोरञ्जनात्मक फिल्म हुनेछ भने चाँडै नै फिल्मको छायांकन थालनी हुने बताएको छ ।