‘बरबरी आँसु’ गीत सार्वजनिक

‘एउटा कलिलो केटोको कथा हो यो,
केही गर्ने अठोट लिएको त्यस केटोलाई,
देशले सबै इन्तिजाम मिलायो र परदेश लखेट्यो।’

काठमाडाैं । ‘बरबरी आँसु’ बोलको गीत सार्वजनिक भएको छ । यस गीतले हजारौँ नेपाली युवाको कारुणिक कथालाई समेटेको छ । रोजगारीका लागि बिदेसिएका नेपाली युवाले भोगेको पीडा र त्यसको भयावह परिणामलाई यस गीतको म्युजिक भिडियोले जीवन्त रूपमा प्रस्तुत गरेको छ ।

हरेक वर्ष हजारौँ नेपाली युवा रोजगारीको क्रममा विदेशमा ज्यान गुमाउँछन् र उनीहरूको पार्थिव शरीर रातो बाकसमा फर्किन्छ। यस गीतले त्यही रातो बाकसको कथालाई केन्द्रमा राखेको छ, जहाँ आमाले धन कमाउन गएको छोरालाई वर्ष दिन नपुग्दै निर्जीव शरीरमा फर्केको देख्दा भोग्नुपरेको अपार पीडालाई समेटेको छ ।

• 
• 
• 

पछिल्लो साढे दुई दशकदेखि देशभक्तिपूर्ण गीत सङ्गीतका लागि परिचित बफिन्स ९८ समूहले यस गीतको निर्माण गरेको हो। सञ्जीव गुरुङको स्वर रहेको यो गीतको लेखन, भिडियो निर्देशन र सम्पादन जीवन भट्टराई ‘भाइ’ले गरेका छन् । यस गीतको छायाङ्कन विक्रम श्रेष्ठले गरेका हुन् भने तारा शर्मा र रमेश गौतमको अभिनय रहेको छ ।