‘३६ को आँकडा’मा पूजाको अपोजिटमा पुष्प खड्का अनुबन्ध
काठमाडौं । निर्माणको तयारीमा रहेको चलचित्र ‘३६ को आँकडा’मा नायक पुष्प खड्का अनुबन्ध भएका छन् । निर्माण टिमले हालसम्म यसबारे जानकारी भने दिएको छैन ।
स्रोतका अनुसार पुष्प अनुबन्ध भइसकेको र उनी चलचित्रमा पूजा शर्माको अपोजिटमा रहनेछन् ।
काइट्स इन्टरटेन्मेन्टको ब्यानरमा बन्ने चलचित्र ‘३६ को आँकडा’लाई सविर श्रेष्ठले निर्देशन गर्नेछन् । यो चलचित्रमा पूजासँगै रेखा थापा मुख्य भूमिकामा छन् ।
चलचित्र ‘उपहार’पछि रेखा र पूजाले पुनः सहकार्य गर्न लागेका हुन् । यो चलचित्र एक्सन जनरामा निर्माण हुने बताइएको छ ।