चलचित्र ‘मेरो जुत्ता खोइ’को गीत सार्वजनिक

काठमाडौं । चलचित्र ‘मेरो जुत्ता खोइ’को नयाँ गीत ‘दिलको ढोका खोलेर’ सार्वजनिक भएको छ । निर्माण टिमले राजेश पायल राई र मेलिना राईको स्वरमा तयार भएको गीतको भिडियो रिलिज गरेको हो ।
गीतमा डा. ओमकृष्ण प्रसाईंको शब्द, विकास चौधरीको संगीत र संजय हमालको एरेन्ज रहेको छ। गीतको भिडियोमा फिल्मका प्रमुख कलाकारहरूलाई समेटिएको छ । कोरियोग्राफी कमल राईले गरेका छन् ।
कुमार केसी निर्देशित चलचित्रमा सुरवीर पण्डित, रोहन सेन्चुरी, प्रशान्त मुखिया, रचना सिवाकोटी, लानाम डोर्जे लामा, कृष्ण सुवेदी,दीपेन्द्र सुब्बा, तुलसा शर्मा,अचला अधिकारी,अभय अधिकारी, पिटर खवास लगायतले अभिनय गरेका छन् ।
चलचित्रको निर्माण दर्पण क्षेत्रीले गरेका हुन् भने प्रस्तुतकर्ता अभय अधिकारी हुन् । निर्मातामा प्रितम मुखिया र अभय अधिकारी छन् । यस फिल्मको कार्यकारी निर्माता रोहन सेन्चुरी हुन् ।