साइग्रेस पोखरेलसँगै ‘आबाट आमा’मा कलाकारको लाइनअप पुरा, भदौ १२ गतेबाट छायांकनमा जाने
काठमाडौं । फिल्म ‘आबाट आमा’मा साइग्रेस पोखरेल अनुबन्ध गर्दै कलाकारको लाइनअप पुरा भएको छ । निर्माण पक्षले पोखरेललाई फिल्ममा अनुबन्ध गर्दै फिल्मको लाइनअप पुरा भएको जनाएकाे छ ।
साइग्रेस मोडल तथा सामाजिक संजालका कन्टेन्ट क्रिएटर हुन् । चन्द्र पन्तको निर्देशन,कथा तथा पटकथामा निर्माण हुन लागेको यो फिल्म भदौ १२ गतेबाट छायांकनमा निस्किदैछ ।
त्यस कारण निर्माण पक्षले फिल्मको लागि कलाकार तथा प्राविधिक पक्षलाई धमाधम फिल्ममा अनुबन्ध गरेको हो । साइग्रेसलाई अनुबन्ध गर्नु केहि दिनअघि यस फिल्मका लागि मोडल तथा अभिनेत्री उषा उप्रेतीलाई अनुबन्ध गरिएको थियो ।
अब यस फिल्ममा साइग्रेस, उषा, पल शाह अभिनेत्री विपना थापा, दक्षिण भारतीय फिल्मका चर्चित अभिनेता प्रदीप रावत लगायतको अभिनय रहने छ ।
कृष्ण प्रसाद सुवेदीले निर्माण गर्न लागेको यस फिल्ममा ध्रुब न्यौपाने र प्रकाश कुँवरले पनि निर्माणमा साथ दिएका छन् । यसको कार्यकारी निर्मातामा करण सिंह हुन् भने सह निर्मातामा छितिज ढुङ्गाना रहेका छन् । फिल्म आगामी वर्षको फागुन १५ गतेदेखि देशव्यापी रूपमा प्रदर्शनमा आउनेछ।