‘बलिदान’को टिजर रुचाइयो कि रुचाइएन ? समीरको एक्सन चित्त बुझ्यो कि बुझेन ?
काठमाडौं । समीर भट्टको मुख्य भूमिका रहेको चलचित्र ‘बलिदान’को टिजर रिलिज भएको भएका साता भयो । एक सातामा यो टिजरले १५ लाख भ्युज पाएको छ ।
‘बलिदान’ वर्षकै सर्वाधिक प्रतिक्षित चलचित्र हो । यसमा कुनै शंका छैन । यसै पनि सन्तोष सेनका हरेक चलचित्र प्रतिक्षित हुन्छन् । यसमा समीर भट्ट मुख्य भूमिकामा रहेपछि यसको प्रतिक्षा त बढ्ने नै भयो ।
टिजरमा कमेन्ट पनि गज्जवका छन् । तर, सिनेमाको हाइप, निर्माण टिम, कलाकार र कमेन्टजस्तो भ्युज भने देखिएको छैन । किन भने प्रतिक्षित सिनेमाका लागि यो भ्युज ४८ घण्टाको सेरोफेरोमा आउनु पर्ने हो ।
किन भने पहिलो त यो एक्सन सिनेमा हो । एक्सन र कमेडी सिनेमाको विशेषता भनेकै यसका कन्टेनमा राम्रो भ्युज र इन्गेजमेन्ट हुन्छ । किन भने यीनमा एक्सन, डाइलग र पञ्चलाइन हुन्छ ।
तर, बलिदानको टिजरमा जति अपेक्षा थियो, त्यति भ्युज देखिएन । कि यसअघि जति पनि भ्युज आउँथ्यो, त्यो ट्रेन्डिङका लागि गरिने स्पोन्सरको परिणाम थियो ? यो पनि खोजीको विषय हो ।
यदि, हजारौँ डलर स्पोन्सर गरेरै भ्युज किनेरै भ्युज बढाउने गरिन्थ्यो भने चाहिँ ‘बलिदान’को टिजरको भ्युजलाई कम मान्नु हुन्न । यो नै राम्रो हो ।
तर, कतै टिजर नै आकर्षक भएन भनेर दर्शकले चित्त नबुझाएका त होइनन् ?, हिरो समीरको इन्ट्री एक्सन सिनेमामा जसरी धुमधडाका देखिनुपर्ने थियो, त्यो देखिएन कि ? नयाँ एक्सन स्टार भनेर भनिसकेपछि त्यस्तै बबाल एक्सन सिन पो दर्शकले खोजेका हुन् कि ?
यसमा भने निर्माण पक्षले सोच्नु पर्छ । किनकी नेपाली चलचित्र क्षेत्र र दर्शक समीर भट्टबाट निराश हुुनु हुँदैन । उनी एक्सनतर्फ दरिलो पिलर बनेर उभिनुपर्छ ता कि अरु जनराका हिरोले पनि आफ्नो आफ्नो जनरामा आफूलाई दरिलो गरी उभ्याउन दबाब महसुस गरुन् ।
हरेक जनरा उत्तिकै बलियो भएर अगाडि बढे मात्रै चलचित्र क्षेत्र बलियो हुन्छ । ‘बलिदान’ले इनिसियल व्यापार आक्रामक गर्नलाई पनि यसको ट्रेलर र गीत अब साँच्चै बलियो आउनै पर्छ ।