बलिउडमा कंगनाले यसरी झोसेकी थिइन् नेपोटिजमको आगो
काठमाडौं । विश्वका जुनसुकै सिनेमा उद्योग हुन्, त्यहाँ नेपोटिजम । जति ठूलो सिनेमा उद्योग त्यति नै धेरै नेपोटिजम ।
बलिउड विश्वकै थोरै ठूला सिनेमा उद्योगमध्येको एक, त्यसैले नेपोटिजम हुने नै भयो । यसको बहस पनि चर्कै हुन्छ ।
बलिउडमा नेपोटिजमबारे बहस सुरुका वर्षहरूमा पनि नहुने होइन, हुन्थ्यो । तर, सन् २०१७ मा यसको चर्को बहस भयो । कारण थिइन्, कंगना रनौत । जब कंगनाले आफ्नो टिभी कार्यक्रममा करण जोहरलाई नेपोटिजमको झण्डावाहक भनिन्, त्यसपछि यो बहस चर्कियो । नेपोटिजमको पक्ष र विवक्षमा बहस भयो ।
पक्ष र विवक्षमा जति बहस भए पनि नेपोटिजम क्रूर सत्य हो । केही दिन अघि, करण जोहरको एउटा भिडियो बाहिर आएको थियो जसमा उनले आफ्नो छोरालाई ‘नेपोटिज्म किड’ लेखिएको टि–शर्ट लगाएका थिए ।
“नेपोटिज्मको क्रूर सत्यलाई मजाक मार्फत यति तुच्छ बनाइन्छ कि यसले आफ्नो अर्थ गुमाउँछ । फिल्म उद्योगका भित्री व्यक्तिहरू यही गरिरहेका छन् । कहिलेकाहीँ तिनीहरूले पुरस्कार कार्यक्रमहरूमा यसको खिल्ली उडाउँछन्, र कहिलेकाहीँ तिनीहरू निर्लज्जतापूर्वक यसलाई स्वीकार गर्छन् र हाँस्छन्,” वरिष्ठ फिल्म समीक्षक अजय ब्रह्मत्मजले यसमाथि प्रश्न उठाउँदै भने, “शक्तिशालीहरूले सधैँ फाइदा उठाउँछन्, र ‘नेपोटिज्म किड’ ले यो शक्ति पाउँछन् । अघिल्लो पुस्ताले कडा परिश्रम गरेको छ, त्यसैले तिनीहरूका सन्ततिहरूले फाइदा उठाउनुपर्छ—यस्ता तर्कहरूले गलत कामहरूलाई जायज ठहराउँछन् ।”
अभिनेत्री स्वरा भास्कर फिल्म उद्योगमा नातावाद रहेको बताउँछिन् । बीबीसीसँगको एक अन्तर्वार्तामा उनले भनिन्, “यो सत्य हो कि मलाई ठूला स्टारका छोराछोरीले जस्तो सुरुवात पाइनन् । यदि स्टारको बच्चालाई सफलतामा पुग्न दुई वर्ष लाग्छ भने, मलाई दस वर्ष लाग्यो । तर मसँग धेरै अन्य विशेषाधिकारहरू पनि छन् जुन सानो शहरकी केटीलाई नहुन सक्छ । मानिसहरू हरेक उद्योगमा नातावादको शिकार हुन्छन् ।”
गिरीश वानखेडेका अनुसार, यदि आर्यन खान जस्ता मानिसहरूलाई आफ्ना आमाबाबुको समर्थन छ भने, त्यहाँ अनगिन्ती स्टार बच्चाहरू छन् जो यो गर्न सकेका छैनन् किनभने वास्तविक परीक्षा प्रतिभा र दर्शकको स्वीकृति हो ।
नवाजुद्दीन सिद्दीकी आफ्नो लगानीमा बन्ने सिनेमा जो कसैलाई पनि खेलाउन सकिने बताउँछन् । हरेक सेक्टरमा नेपोकिड रहेको भन्दै सिनेमामा मात्रै यसको विरोध गरेर नहुने उनको भनाइ छ । स्टार अभिनेताकै छोरो भए पनि उसले अभिनयमा मेहनत नगरी टिक्न नसक्ने भएकाले उसको विरोध गर्नुको अर्थ नरहेको उनी बताउँछन् ।
शाहरुख खानका छोरा आर्यन खानले सेप्टेम्बर १९ मा नेटफ्लिक्समा आफ्नो निर्देशनमा डेब्यू गरे । “द ब्याड्स अफ बलिउड” ल्याउँदैछन् । उनीसँगै हिन्दी सिनेमामा नातावाद शब्दले एकपटक फेरि चार्चा एकपटक चर्चा पाएको छ ।
