‘कल्ली’का तीन पोष्टरमा चार कलाकार
काठमाडौं । चलचित्र ‘कल्ली’को तीन पोस्टर सार्वजनिक गर्दै निर्माणपक्षले प्रचार आरम्भ गरेको छ । किरण नेपालीको प्रस्तुतिमा तयार भएको चलचित्रको पोष्टरमा कलाकारहरुको फरक फरक गेटअप देख्न सकिन्छ ।
महेश दवाडीको लेखन रहेको चलचित्रमा कथा र निर्देशक लक्ष्मण सुनारको छ । सार्वजनिक पोष्टरमा नाजिर हुसेन र वर्षा राउतको काखमा बाल कलाकार मञ्जिला बानियाँलाई देख्न सकिन्छ ।
अर्को पोष्टरमा कलाकार सुलक्षण भारतीको भिन्न गेटअप छ । अर्को पोष्टरमा नायक सौगात मल्ललाई देख्न सकिन्छ ।
यसले चलचित्रको कथावस्तुबारे दर्शकको उत्साह अझै बढाउने देखिएको छ । चलचित्रको कथाबारे निर्माणपक्षले केही पनि खुलाएको छैन ।
यो चलचित्रमा उत्तम प्रधान, सौगात मल्ल, अर्पण थापा, बेनिशा हमाल, सुलक्षण भारती, वर्षा राउत, बेगम नेपाली, बिनोद न्यौपाने, रेयर राई, प्रियना आचार्य, अर्जुन गुरुङ, सन्जोक राणा, गीता अधिकारी, कुल बहादुर अधिकारी, सरस्वती खत्री र श्याम मगरको मुख्य भूमिका छ ।
फागुनको १ गतेबाट रिलिजमा आउन लागेको चलचित्रमा आशिष अविरल, सरित राई, केतन क्षेत्रीको संगीत रहेको छ । एनवी महर्जनको एक्सन, निसाल पौडेलको छायांकन छ ।
