सबैभन्दा धेरै कोरस प्रयोग गर्ने चलचित्र कुन हो ?

काठमाडौं । चलचित्र ‘हजार जुनी सम्म’को नाममा पनि एउटा रेकर्ड रहेको छ । वि.सं २०७६ साउन ३० गते रिलिज भएको यो चलचित्रको गीतमा नाममा रेकर्ड बनेको हो ।

यो चलचित्र एउटा गीत छ, एमजी रोडैमा । यो गीतमा यति धेरै कोरस प्रयोेग गरियो कि यही नै रेकर्ड बन्न पुग्यो । यो गीतमा एक हजारभन्दा धेरै कोरस नचाएको यसको निर्माणपक्षले दाबी गरेको थियो ।

एक हजार कोरस एउटै गीतको भिडियोमा नचाउने पहिलो नै नेपाली चलचित्र नै यही बन्यो । यो गीतमा राजनराज शिवाकोटीको शब्द रहेको छ । स्वर राजनराज र मेलिना राईको छ ।

कविराज गहतराजले कोरियोग्राफी गरेका छन् । गीतको भिडियाको लिडमा चलचित्रका मुख्य कलाकार स्वस्तिमा खड्का, सलोन बस्नेत, अखिलेस प्रधान थिए ।

विकासराज आचार्य निर्देशित चलचित्र ‘हजार जुनी सम्म’मा आर्यन सिग्देल, स्वस्तिमा खड्का, प्रियंका कार्की, संचिता लुइँटेल, अनुभव रेग्मी, सलोन बस्नेतलगायतका कलाकारहरुको अभिनय रहेको थियो । चलचित्रमा पटकथा सामिप्यराज तिमल्सेनाको थियो ।