यी हुन् चलचित्र ‘जारी २’ अपेक्षित नचल्नुका कारण
काठमाडौं । चलचित्र ‘जारी’ले नेपाली बक्स अफिसबाट १७ करोडभन्दा माथि ग्रसकलेक्सन गर्दा यसको सिक्वेलले सात करोडको आँकडा छुवाउन पनि कठिन हुने देखिएको छ । गएको शनिबारसम्म यो सिनेमाले ५ करोड ८९ लाख ग्रसकलेक्सन गरेको चलचित्र विकास बोर्डको तथ्यांक छ ।
‘जारी’ जस्तै सफल हुन्छ भन्ने विश्वाससहित प्रदर्शन भएको सिनेमाले समीक्षा मात्रै नराम्रो पाएको होइन, व्यापार पनि उत्तिकै कमजोर देखियो ।
किन चलेन भन्ने विश्लेषणमा धेरै कारण छन् । पहिलो कारण त यो पारिवारिक सिनेमामा एक्कासि प्रवेश गरेको माओवादी द्वन्द्वको कथा हो ।, जसले सिनेमाको लय बिगा¥यो । पारिवारिक नोकझोकमा देखिने चलचित्रका मुख्य कलाकार दयाहाङ राई र मिरुना मगरलाई नै माओवादी द्वन्द्वको उल्झनमा फसाएको दर्शकलाई मन परेन ।
पारिवारिक सिनेमा हेर्न गएका दर्शकलाई मोओवादी द्वन्द्वले भरएको कथाले सस्पेन्स त दियो तर अपेक्षा बाहिरको कथा हुँदा दर्शकले रुचाएनन् ।
चलचित्रमा ऋचा शर्मा जो माओवादीको स्थानीय कमान्डर हुन्छिन् । उनलाई पावरफूल रूपमा प्रस्तुत नगरिनु पनि यो चलचित्र नचल्नुको अर्को कारण हो । उनलाई प्रवेशको चरणमा जसरी सशक्त रूपमा प्रस्तुत गरिएका हुन्छ, उनको अन्त्य पनि त्यति नै कमजोर हुँदा यसमा दर्शक कन्भिन्स हुन सकेनन् । उनको कमजोर अन्त्यलाई दर्शकले रुचाएनन् ।
त्यति लामो समय माओवादीले बन्दी बनाएर आफैँसँग हिडाएका पात्र दयाहाङ राई त्यति सहजै घरमा गएर बस्ने वातावरण बन्थ्यो कि बन्दैन थियो ? यसमा पनि सिनेमाले दर्शकलाई विश्वास दिलाउन सकेन ।
सिनेमाले राम्रो वर्ड अफ माउथ पाउन नसकेपछि निर्देशकले डाइरेक्टर्स कट भनेर १४ मिनेट थपेर सिनेमा चार दिनपछि हलमा ल्याए । १५ मिनेट थपेपछि चलचित्र हेर्नेहरूले राम्रो भने । तर, त्यो समयसम्म दर्शकमा नकारात्मक सन्देश गइसकेको थियो । चलचित्र पहिलो सिक्वेल जस्ता राम्रो नरहेको भनेर फैलिसकेको थियो ।
१४ मिनेट थपेर आउँदासम्म दर्शकमा सिनेमा राम्रो छैन भन्ने सन्देश गइसकेको थियो । १४ मिनेट थपेर ल्याएपछि सिनेमा राम्रो नभएर पब्लिसिटी स्टन्ट गरेको होला भन्ने बुझाइ दर्शकमा रहेको हुनसक्छ । यसले डाइरेक्टर्स कट राम्रो भए पनि त्यतिबेलासम्म ढिलो भइसकेको थियो ।
यो सिनेमाका निर्माता रामबाबु गुरुङ पनि हुन् । तर, उनी यो चलचित्रको पब्लिसिटीमा हिँडेनन् । रामबाबु मात्रै होइन यसका कलाकारले पनि विभिन्न कारणले पब्लिसिटीमा हिँड्ने अवस्था बनेन । यीनै कारणले ‘जारी २’ले तुलनात्मक रूपमा कमजोर व्यापार ग¥यो भनेर विष्लेषण गर्न सकिन्छ ।
उपेन्द्र सुब्बाको लेखन तथा निर्देशनमा बनेको ‘जारी २’मा दयाहाङ राई, मिरुना मगर र विजय बराल मुख्य भूमिकामा छन् ।
