‘रमिताको पिरती’ को टिजरमा के छ ?
काठमाडौं । नेपाली चलचित्र ‘रमिताको पिरती’ को टिजर सार्वजनिक गरिएको छ । अगामी माघ २३ गतेबाट सार्वजनिक प्रदर्शनमा आउने तयारीमा रहेको चलचित्रको टिजर युवतीको मनोविज्ञानबाट भनिएको छ ।
सुदिप्ताको निर्देशन रहेको चलचित्रको टिजरमा अभिनेत्री अन्ना शर्मालाई विभिन्न भावनात्मक घुम्तीमा देखाइएको छ । जसमा उनलाई प्रेम, रोमान्स, खुसी, दुःख र ब्रेकअपका मुडमा प्रस्तुत गरिएको छ ।
छोटो झलकमै निर्देशकले एक युवतीको अन्तर्मन र मनोविज्ञानलाई केन्द्रमा राखेको स्पष्ट संकेत गर्दछ, जसले फिल्मप्रति दर्शकको उत्सुकता बढाउने देख्न सकिन्छ ।
टिजरमा अन्नासँगै धिरज मगर, समिर श्रेष्ठ र विनय श्रेष्ठको आकर्षक उपस्थिति देखिन्छ । विशेष गरी लोकप्रिय गायक समिर श्रेष्ठ यसै फिल्ममार्फत अभिनय क्षेत्रमा डेब्यु गर्दै मुख्य भूमिकामा प्रस्तुत भएका छन्, जसले टिजरप्रति दर्शकको रुचि थप बढाएको छ ।
चलचित्रको पटकथा निर्देशक सुदीप्ताले नै लेखकी हुन् ।
सेरो फिल्मस्को प्रस्तुतिमा निर्माण भएको यो चलचित्रका निर्माता सागर लम्साल हुन् । आना शर्मा र सन्तोष लम्साल कार्यकारी निर्माता रहेको यो फिल्ममा आर.पी प्रोडक्सन एसोसियट निर्माताको रूपमा छ ।
चलचित्रमा सुशान्त केसी, समीर श्रेष्ठ, महेश काफ्ले, अस्मिता अधिकारी र कुशल पोखरेलको संगीत छ ।
शिशिर विशांखेको डीओपी रहेको फिल्ममा सुनिल सिवाकोटीको सम्पादन, कपिल पराजुलीको कलर, कातिक बरालको कोरियोग्राफी छ ।
यो फिल्मलाई काठमाडौँमा रिच इन्टरटेन्मेन्ट र एप्पल इन्टरटेन्मेन्टले वितरण गर्नेछन् भने काठमाडौँ बाहिर एफडी कम्पनीले वितरण गर्नेछ ।
