जबरजस्ती हिरोइन बनाइएकी वर्षा
काठमाडौं । भनिन्छ नि, जसको भाग्यमा जे लेखिएको हुन्छ, त्यही भोग्नुपर्छ । जति लेखिएको छ त्यति मात्रै पाइन्छ । भाग्यमा कसले कति विश्वास गर्छ त्यो व्यक्तिमा भरपर्छ । तर, केही हदसम्म सम्भवत धेरैले विश्वास गर्छन् होला । वर्षा शिवाकोटीको हकमा पनि सायद जे लेखिएको थियो, त्यही भयो । सुरुमा काम गर्दिन भनेर स्क्रिप्ट फिर्ता गर्न आएकी वर्षाको अन्तत कर्मक्षेत्र नै चलचित्र उद्योग बन्यो । अभिनय नै करिअर बन्यो । त्यसैले उनलाई जबरस्ती नायिका बनेकी हिरोइन भन्न सकिन्छ । तर जबरजस्ती आएको पेसामा उनले आफूलाई स्थापित गरिन् । आफूलाई अब्बल सावित गरिन् । अहिले यसमै रमाइरहेकी छन् ।
