रोमान्टिक देखिएका दयाहाङ र आँचल (तस्बिरहरू)
काठमाडौं । चलचित्र ‘दुःखी आत्मा’को नयाँ गीत ‘जुनी जुनीलाई’को छायांकन गरिएको छ । भक्तपुर दरबार स्क्वायर परिसरमा यो सिनेमाको एक रोमान्टिक गीतको छायांकन गरिएको हो ।
यो गीतको भिडियोमा नायक दयाहाङ राई र नायिका आँचल शर्मालाई फिचरिङ गरिएको छ । केही दिनमै गीतको भिडियो सार्वजनिक गर्ने तयारी निर्माणपक्षको छ ।
फागुनको २ गतेबाट रिलिजमा आउन लागेको यो फिल्मलाई दीपेन्द्र लामाले लेखन तथा निर्देशन गरेका हुन् ।
यो गीतको भिडियोलाई रामजी लामिछानेले कोरियोग्राफी गरेका हुन् । गीतमा केतन क्षेत्रीको संगीत, इश्वर कार्कीको शब्द तथा कम्पोज छ ।
