‘जुनाः एक व्यथा’को ट्रेलर सार्वजनिक
काठमाडौं । बाल विवाह तथा महिला हिंसाविरुद्ध निर्माण गरिएको चलचित्र ‘जुनाः एक व्यथा’को ट्रेलर सार्वजनिक भएको छ ।
माघ २५ गते रिलिज हुने चलचित्रको ट्रेलर राजधानीमा सोमबार एक कार्यक्रमबीच सार्वजनिक गरिएको हो ।
सार्वजनिक ट्रेलरमा बालिकाको भूमिकामा देखिएकी अस्मिता ढकालको विवाहदेखि गर्भवती अवस्थासम्मको पीडालाई देखाइएको छ । केटी माग्न गएको दृश्यदेखि सुरु ट्रेलरमा विवाह पछि बालिकालाई पति, सासुले दिएको दुःख र पीडालाई देखाइएको छ ।
बाल विवाह गरेपछि बालिकाको जीवनमा आउने पीडालाई ट्रेलरमा देखाइएको छ ।
ट्रेलरमा अस्मितासँगै कृष्णप्रसाद धिताल, देशभक्त खनाल, रश्मी भट्ट, अनिता बस्नेत, कमल बोहोरालगायतका कलाकारलाई समेटिएको छ ।
गोदावरी फिल्म प्रोडक्सन एण्ड रिसर्च प्रालिको व्यानरमा निर्माण भएको चलपचत्रमा जीवन सेञ्चुरीको निर्देशन छ ।
चलचित्रमा दीपकप्रसाद घिमिरे निर्माता छन् । फिल्ममा राजबहादुर सानेको कथा, बीबी अनुरागी र रमेश सेञ्चुरीको संगीत, जीवन सेञ्चुरी र भीमबहादुर पौडेलको शब्द, अञ्जु पन्त, पूर्णकला बिसी र यदुराई लकान्द्रीको स्वर र रामेश्वर हुमागाईंको डिओपी छ ।
चलचित्रको वितरण एप्पल इन्टरटेनमेन्ट, रिच इन्टरटेनमेन्ट र एफडी कम्पनीले गर्नेछन् ।
