सिक्वेलको हिरो अर्थात् निश्चल बस्नेत
काठमाडौं । निश्चल बस्नेत आफैँमा भर्सटाइल व्यक्ति हुन् । निर्देशक, अभिनेता र गायकमा उनको नाम अगाडि आउँछ ।
चलचित्रमा लिड रोलमा होस् वा केमियो मात्रै पनि उनी चलचित्रमा देखिरहन्छन् । साथीभाइको राम्रो हुन्छ भने किन सहयोग नगर्ने भन्ने भावना भएका निश्चल केमियो रोल मात्रै गर्न पनि पछि पर्दैनन् ।
यो उनको सहयोगी भावना आफैँमा राम्रो पक्ष पनि हो । नेपाली चलचित्र उद्योगमा उनीबाट अरुले यो कुरा सिक्नु पनि पर्छ ।
निश्चल सानो रोलमा देखिने क्रममा दुईवटा चलचित्र ‘अगस्त्य च्याप्टर–१’ र ‘एक्टर : टेक वान’मा अटाएका छन् । यी चलचित्रमा उनको रोल हेर्दा उनी यी दुई चलचित्रका सिक्वेलमा अटाउने निश्चित छ ।
यी चलचित्रमा उनको भूमिकाले निश्चल यी दुई चलचित्रको सिक्वेलको हिरो हुने देखिन्छ ।
त्यसैले उनलाई सिक्वेलको हिरो भन्न मिल्ने भएको छ । ‘एक्टर : टेक वान’ भने सार्वजनिक प्रदर्शनमा आएको छैन । प्रिमियर भने भइसकेको छ । प्रिमियरमा यो सिनेमा हेर्नेले यसको सिक्वेल आए निश्चल हिरो हुने बताइरहेका छन् ।
सिनेमा बन्ने निश्चित भए निश्चल पनि यी दुई सिक्वेलको हिरो हुने निश्चित जस्तै देखिएको छ । तर, नेपाली रजतपट हो कसको सम्बन्ध कहाँ कति खेर को सँग बिग्रिन्छ भन्ने थाहै हुँदैन । त्यसैले भर परिहाल्ने अवस्था भने छैन ।
तर, पनि निश्चल डिजर्विङ पात्र भने हुन् । उनी रुचाइने पात्र हुन् नेपाली सिने नगरी र दर्शकमा ।
