एलिना चौहानले अदालतमा दिइन् सम्बन्धविच्छेदको मुद्दा
काठमाडौं । गायिका एलिना चौहानले सम्बन्धविच्छेदका लागि मुद्दा दायर गरेकी छन् । श्रीमान् विष्णु सापकोटासँग एलिनाले शुक्रबार काठमाडौं जिल्ला अदालतमा मुद्दा दायर गराएकी हुन् ।
अंश दाबी नगर्ने गरी एलिनाले मुद्दा दायर गरेकी हुन् ।
मुद्दामा एलिनाले आफू कार्यक्रममा सहभागी हुन जाँदा विष्णुले शंका उपशंका गर्ने, कार्यक्रमको बीचमा फोन गरेर तुरुन्त घरमा आइज भन्ने गरेको यसले मनमुटाव हुने गरेको उनले उल्लेख गरेकी छन् ।
झापाकी एलिनाले ०८१ वैशाख १ मा बागलुङका विष्णुसँग विवाह गरेकी थिइन् । विष्णु अस्ट्रेलियामा छन् ।
