चलचित्रबाट ब्रेक लिने निर्णयसँगै ‘डन-३’बाट बाहिरिइन् कियारा
काठमाडौं । बलिवुड अभिनेत्री कियारा आडवाणीले आफ्नो गर्भवती भएसँगै फरहान अख्तर निर्देशित आगामी चलचित्र ‘डन-३’ लाई भने असर पारेको छ ।
मिडिया रिपोर्टका अनुसार कियारा आडवाणीले परिवारको लागि चलचित्रबाट ब्रेक लिने भएपछि उनले ‘डन-३’ छोडेकी हुन् ।
कियाराले हाल ‘टक्सिक’ र ‘वार २’ को छायांकन गर्दै गरेको बताइएको छ । यसपछि, उनी आफ्नो परिवार र आफ्नो हुने बच्चाको लागि समय निकाल्न चाहन्छिन् । यसका लागि उनी सिनेमाबाट ब्रेक लिनेछिन् ।
‘डन-३’ का निर्माताहरूले चलचित्रको मुख्य भूमिकामा कियारा आडवाणीलाई चयन गरेका थिए । तर, उनले आफ्नो गर्भावस्थाका कारण चलचित्रबाट अलग हुने निर्णय गरेपछि निर्माण टोली अब नयाँ अभिनेत्रीको खोजीमा रहेको बताइएको छ । कियाराको यो निर्णयलाई निर्माताहरूले सम्मान गरेका छन् र चाँडै नै नयाँ अभिनेत्रीको घोषणा गरिने बताइएको छ ।
कियारा आडवाणीले हालै सामाजिक सञ्जालमा आफ्नो गर्भवती भएको घोषणा गरेकी थिइन् । उनले एउटा तस्वीर पोस्ट गर्दै, हाम्रो जीवनको सबैभन्दा सुन्दर उपहार आउन लागेको लेखेकी थिइन् ।
कियारा यस वर्ष रिलिज हुने चलचित्र ‘वार २’ को छायांकन गरिरहेकी छिन् । यसबाहेक उनी केजीएफ स्टार यशसँग चलचित्र ‘टक्सिक’मा देखिनेछिन् । यसबाहेक, उनीसँग दिनेश विजन निर्देशित हरर कमेडी शक्ति शालिनी पनि छ ।
फरहान अख्तर निर्देशित चलचित्र ‘डन-३’ को छायांकन २०२४ को अन्त्यसम्ममा सुरु हुने भनिएको थियो, यद्यपि यो स्थगित गरिएको थियो ।
अब कियाराले सिनेमा छोडेपछि चलचित्रको छायांकन फेरि स्थगित हुन सक्ने बताइएको । यस सिनेमामा रणवीर सिंह मुख्य भूमिकामा छन् भने विक्रान्त मेस्सी नकारात्मक भूमिकामा देखिनेछन् । यसअघि दुवै कलाकारले २०१३ मा रिलिज भएको चलचित्र ‘लुटेरा’मा सँगै काम गरिसकेका छन् ।
डन फ्रान्चाइजीको पहिलो भागमा अमिताभ बच्चन डनको भूमिकामा देखिएका थिए । यो चलचित्र १२ मे १९७८ मा सिनेमाघरहरूमा रिलिज भएको थियो । जबकि, चलचित्रको दोस्रो भाग २००६ मा रिलिज भएको थियो । सिनेमामा शाहरुख खानसँग प्रियंका चोपडा मुख्य भूमिकामा देखिएकी थिइन् ।
