मेहनत र डिटेलिङसहितको ‘कर्मा’को टिजर
काठमाडौं । चलचित्र ‘कर्मा’को टिजर सार्वजनिक भएको छ । निर्माणपक्षले शुक्रबार सार्वजनिक गरेको टिजरमा एक्सन सिनले प्राथमिकता पाएको छ ।
बाइक स्टन्ट, पुलिस, ड्रामा र एक्सनको सिन छ । टिजरमा देखिएका सिनले चलचित्र एक्सन जानरामा रहेको पुष्टि गर्छ । एक्सन चलचित्र बनाउन निर्देशक सौरभ चौधरीले मेहनत गरेको देखिन्छ ।
केही एक्सन सिनले मेहनेत सिनेमामा गरेको प्रष्ट हुन्छ । टाउको जमिनमुनी गाडेर सट गन हानेको दृश्यले मेहनत गरेको देखिन्छ । छोटो टिजरमा पनि डिटेलिङमा गएर चलचित्र बनाएको अपेक्षा गर्ने ठाउँ छ ।
डाइलगले एक्सन ओरियन्टेड सिनेमा छ भन्ने प्रष्ट पारेको छ । ‘जे जान्छ, त्यो घुमेर आउँछ’ । यो एक्सन ओरियन्टेड डाइलग हो । तर, डाइलग अनुसारको डेलिभरी हेवी छैन ।
तर, ‘कर्माको खेल हो यो सबै, …न कोही जोगियो न कोही जोगिन्छ ।’ भन्ने डाइलग डेलिभरीमा भने समस्या देखिँदैन । एक्सन सिनेमामा डाइलग गह्रुंगो भएर मात्रै पुग्दैन डेलिभरी पनि त्यस्तै हेबी हुनुपर्छ ।
साउन्ड राम्रो छ । क्यामेराको कम्पोज टिजरका सटमा राम्रो छ । एक्सन जानरामा कलर म्याच भएको छ ।
मुख्य पात्र परिवन्धमा परेर हतियार उठाएर मार्न र मर्न हिँडेको टिजरले संकेत गरेको छ ।
टिजरमा धेरै कमेन्ट गर्नुपर्ने ठाउँ देखिँदैन । ट्रेलर र सिनेमा कस्तो आउँछ, त्यो महत्वपूर्ण विषय हो ।
टिजरमा विपीनको एक्सनसँगै भावनात्मक पक्ष पनि देखाइएको छ । उनी परिवारकै लागि एक्सनमा उत्रिएको संकेत छ । यसले एक्सनसँगै चलचित्र इमोस्नल पनि रहेको अनुमान लगाउन सकिन्छ ।
टिजरमा उपासना सिंह ठकुरी, मुकुन भुसाल, दिब्यदेब, सरिता गिरी, बेन बस्नेतलगायतको अभिनय देख्न सकिन्छ ।
चलचित्रमा सुज्यान सिलवाल, अनिल बुढाथोकी, निर्मल शर्मालागायतको पनि अभिनय रहेको छ ।
नयाँ वर्ष २०८२ को छेको पारेर चलचित्र ‘कर्मा’ आगामी चैत २९ गते रिलिज हुँदै छ । नेपाल र विदेशमा यो चलचित्र एकसाथ प्रदर्शन हुनेछ ।
एक्सन जनरामा निर्माण भएको ‘कर्मा’मा विपीनको पहिलो एक्सन सिनेमा हो ।
ड्रामा, सस्पेन्स र एक्सन जनरामा निर्माण भएको सिनेमाको कथा निर्देशक चौधरी स्वयंले लेखेका छन् ।
‘कर्मा’ले अन्तर्राष्ट्रिय प्रदर्शन अधिकार बिक्रीको अधिकार सेभेन सिज सिनेमाले लिएको छ ।
केही समयअघि सार्वजनिक पोस्टरले दर्शकमाझ उत्सुकता बढाएसँगै ओभरसिज माकेर्टमा पनि दर्शकमा ‘कर्मा’प्रति चासो रहेको सेभेन सिज सिनेमाले बताएको छ ।
यो चलचित्रमा भाष्कर स्वाँरको संगीत निर्देशन, कविराज गहतराजको कोरियोग्राफी, श्री श्रेष्ठको द्वन्द्व निर्देशन र निमेष श्रेष्ठको सम्पादन छ ।
तारानाथ न्यौपाने मुख्य सहायक निर्देशक रहेको सिनेमामा समीर मियाको भिएफए, उत्तम न्यौपानेको व्याकग्राउण्ड स्कोर, शाहिल खानको टिजर–ट्रेलर, विजय बाश्यालको पब्लिसिटी डिजाइन र राजेन्द्र मोक्तान कलरिस्ट रहेका छन् ।
आर्टिस्टिक इनटरटेनमेन्टको प्रस्तुति रहने ‘कर्मा’मा वसन्त लम्सालको लगानी रहेको छ ।
निर्देशक चौधरीको ‘अगस्त्यः च्याप्टर १’ले दर्शक र समीक्षकको राम्रो प्रतिक्रिया पाएको थियो ।
