‘मोहर’को प्रचारमा पल र बेनिशा मोफसलमा
काठमाडौं । साउन २३ गतेबाट रिलिजमा आउन लागेको चलचित्र ‘मोहर’को प्रचारमा नायक पल शाह र नायिका बेनिशा हमाल लागिपरेका छन् । पल र बेनिशा पश्चिम नेपालको बुटवल पुगेका छन् । जहाँ, उनीहरुले दर्शकसँग फिल्मको विषयमा साक्षात्कार गरेका छन् ।
चलचित्रका लेखक तथा निर्देशक ओम प्रतिक, निर्माता चुम्बन जंग शाही, मुख्य सहायक निर्देशक गिरिराज घिमिरेको साथमा नायक पल शाह र नायिका बेनिशा हमाल बुटवलका क्याम्पस र स्कुलमा पुगेका हुन् ।
दर्शकसँग साक्षात्कार गर्ने क्रममा नायक पलले ‘मोहर’ सबै परिवारले हेर्ने कथा भएको बताए । कार्यक्रममा पलले फ्यानहरुसँग साक्षात्कार पनि गरे । पलले भने, “एउटा कलाकारले कमाउने भनेकै दर्शकको माया हो । यो माया सजिलै कमाउन सकिदैन ।”
चलचित्रको टिमले कलेज, स्कुलसँगै रोट्राक्टमा आवद्ध विभिन्न व्यक्तिहरुसँग पनि साक्षात्कार गरेको थियो ।
देउकी प्रथामा आधारित रहेर तयार पारिएको यो चलचित्रमा पल र बेनिशाको साथमा नीति शाह, अर्जुन जंग शाही, रवीन्द्र झालगायत कलाकारहरुको अभिनय छ ।
