एलिनाले तस्बिरसहित यसरी दिइन् जवाफ

काठमाडौं । गायिका एलिना चौहानले आफू आफ्नो चरित्रको बचाउ गर्न बाध्य भएको बताएकी छन् । कसैको नाम नै नलिइ उनले लेखेको लामो स्टाटसमा आफ्नो जिन्दगीमा अन्याय भएपछि त्यसको बचाउ गरेको बताएकी छन् ।
“हामीबीचको कुरा त आपसी समझदारीमै त्यही दिन सकिएको थियो । तर समाजकै दवाव, सामाजिक सञ्जालको दुरुपयोग र सतही धारणाले त्यो सकिएको कुरा फेरि दोहो¥याएर मेरो व्यक्तिगत जीवनमाथि गम्भीर अन्याय ग¥यो । म कानुनी प्रक्रियामा जान बाध्य भएँ । म आफ्नो चरित्रको बचाउ गर्न बाध्य भएँ,” उनले कसैको नाम नलिए पनि पूर्वपति श्रीमान विष्णु सापकोटाप्रति लक्षित गरेको प्रष्ट हुन्छ ।
विष्णु सापकोटा भन्छन्– कानुन सबैका लागि समान हुन्छ, अपमान गर्नेविरुद्ध कानुनी प्रक्रिया सुरु भइसक्यो
एलिनाले पोस्ट गरेको तस्बिर जो कुटपिटबाट चोटैचोट देखिन्छ । त्यसले पनि उनले स्टाटास कोप्रति लक्षित हो भन्ने प्रष्ट हुन्छ ।
“मैले मेरो विगत खोल्नुप¥यो । त्यो विगत जुन आज मेरो जीवनसँग सम्बन्धित छैन । त्यो सम्बन्धसँग मेरो कुनै दुश्मनी थिएन । न कुनै बदला लिने सोच । स्पष्ट भन्न चाहन्छु— यो लडाइँ मेरो व्यक्तिगत मान्छेसँग होइन । यो लडाइँ हो—त्यस मानसिकतासँग जसले सत्य बोल्ने नारीलाई नै दोषी बनाउँछ । जसले पीडितलाई नै कठघरामा उभ्याउँछ । जब मैले आफ्ना भोगाइहरू सुनाएँ, म माथि फेरि प्रश्नहरू उठाइए—‘किन अहिले ? किन फेरि ?” उनी अगाडि लेख्छिन्, “तर मलाई थाहा छ, यो देश अझै पनि पुरुषप्रधान सोचमा जकडिएको छ । यहाँ सत्य बोल्नेलाई नै अपराधी बनाइन्छ । तर अब म चुप लाग्दिनँ । अब यो केवल मेरो न्यायको लडाइँ होइन, यो हरेक नेपाली चेलीको आवाज हो । म हरेक कानुनी, सामाजिक र नैतिक बाटो अपनाएर न्यायका लागि अगाडि बढ्नेछु । किनकि म एक्लो भए पनि सत्य मेरो साथमा छ ।”
विष्णु सापकोटाले स्टाटस लेखेको केही समयपछि नै त्यसको जवाफमा एलिनाको जवाफ आएको हो ।