राष्ट्रिय चलचित्र पुरस्कार पाएपछि के भन्छन् शाहरुख खान ?
काठमाडाैं । राष्ट्रिय चलचित्र पुरस्कार प्राप्त गरेपछि अभिनेता शाहरुख खानले निर्णायक मण्डल, सूचना तथा प्रसारण मन्त्रालय र भारत सरकारलाई धन्यवाद दिएका छन् । शुक्रबार, शाहरुख खानले सामाजिक सञ्जाल प्लेटफर्म X मा कृतज्ञता व्यक्त गर्दै एउटा भिडियो साझा गरे ।
शाहरुख खानले भने, “राष्ट्रिय चलचित्र पुरस्कार केवल एउटा उपलब्धि मात्र होइन। यसले मलाई सम्झाउँछ कि म जे गर्छु त्यो महत्त्वपूर्ण छ। यसले मलाई अगाडि बढ्न, कडा परिश्रम गर्न र सिनेमाको सेवा गरिरहन भन्छ। यो पुरस्कारले मलाई सम्झाउँछ कि अभिनय केवल एउटा काम होइन, एउटा जिम्मेवारी हो। पर्दामा सत्य देखाउनु एउटा जिम्मेवारी हो।”
उनले निर्देशक एटलीसहित फिल्म ‘जवान’ को सम्पूर्ण टोलीलाई पनि धन्यवाद दिए । ७१औं राष्ट्रिय चलचित्र पुरस्कारमा याे पटक दुई अभिनेताले उत्कृष्ट अभिनेताको अवार्ड जितेका छन् । ‘जवान’ का लागि शाहरुख खान र ‘१२औं फेल’ का लागि विक्रान्त मेसीले यो अवार्ड पाएका छन् । बीबीसी
