विकास शुल्क, वक्यौता र जरिवाना नतिर्ने हल सञ्चालकलाई कारबाही गर्ने बोर्डको चेतावनी
काठमाडौं । चलचित्र विकास बोर्डले चलचित्र विकास शुल्क, वक्यौता तथा जरिवाना दाखिला नगर्ने सिनेमा हल सञ्चालकलाई कारबाही गर्ने चेतावनी दिएको छ ।
सार्वजनिक सूचना जारी गर्दै बोर्डले नेपालभर सञ्चालनमा रहेका चलचित्रघरहरुले विदेशी चलचित्र प्रदर्शनबापतको चलचित्र विकास शुल्क मासिक रूपमा दाखिला गर्नुपर्ने बताएको छ । कानुनअनुसार मासिक शुल्क नबुझाउनेलाई कारबाही गर्ने बोर्डको चेतावनी छ ।
“बाँकी बक्यौता र जरिवाना तिर्न पटकपटक पत्राचार गर्दा समेत अटेर गरी नबुझाएका चलचित्रघरहरुलाई २०८२ साउन २५ गते भित्र बुझाउन हुन जानकारी गराइन्छ,” बोर्डले सूचना जारी गर्दै भनेको छ, “अन्यथा आर्थिक ऐन २०८२/०८३ बमोजिम कारवाही गरिने व्यहोरा सम्वन्धित सबै सरकोरवालाहरूमा जानकारी गराइन्छ ।”
चलचित्र विकास बोर्डको मुख्य आम्दानीको स्रोत हिन्दी चलचित्रबाट उठ्ने विकास शुल्क हो ।