विराज भट्टको ‘राम नाम सत्य’ चैत २७ मा रिलिज
काठमाडौं । चलचित्र ‘राम नाम सत्य’को आज शुभसाइत गरिएको छ । ललितपुरको बंगलामुखी मन्दिरमा चलचित्रको शुभसाइत गरिएको हो ।
चलचित्रको छायांंकन केही दिनमा काठमाडौंबाट सुरु हुनेछ । निर्माणपक्षले चितवनमा पनि छायांकन गर्ने जनाएको छ ।
माइकल चन्दको निर्देशनमा बन्न लागेको यो चलचित्रको प्रदर्शन मिति समेत घोषणा गरिएको छ । यो चलचित्रलाई चैतको २७ गतेबाट नयाँ वर्षको छेको पारेर रिलिजमा ल्याउन लागिएको हो ।
निर्माणपक्षले शुभसाइतसँगै नायक विराज भट्टको लुक्स सार्वजनिक गरेको छ । सार्वजनिक पोष्टरमा नायक विराज भट्ट एंग्री अवतारमा देखिएका छन् । भट्टको एक्सन छवि पोष्टरमा पनि प्रष्ट झल्किएको छ ।
‘राम नाम सत्य’मा विराज भट्टको साथमा सुशील श्रेष्ठ, आयुष सिंह ठकुरी, सुपुष्पा भट्ट, दिव्या रायमाझी, खुशी कार्की, सुनील थापा, अर्पण थापा, कनिज कोइराला, रवि गिरी र दिनेश डीसीको मुख्य भूमिका छ ।
उपेन्द्र शाही र स्वेता विमलीको निर्माणमा तयार हुन लागेको चलचित्रमा किशोर भट्ट र डाक्टर डी आर उपाध्याय कार्यकारी निर्माताको रुपमा छन् ।
माइकल चन्दकै कथा तथा पटकथा रहेको चिलचित्रमा संजय लामाको डीओपी, श्री श्रेष्ठको एक्सन, अर्जुन पोखरेल, बाबुल गिरी, एसडी योगी र नवाज अन्सारीको संगीत, विक्रम स्वाँर र सियोन श्रेष्ठको कोरियोग्राफी रहनेछ ।