पारिश्रमिक नदिने कम्पनी, निर्माता र कलाकारको काम नगर्ने प्राविधिक संघको निर्णय
काठमाडौं । नेपाल चलचित्र प्राविधिक संघले प्राविधिकको पारिश्रमिक नदिने कम्पनीको काम नगर्ने भएको छ । लामो समयसम्म पाश्रिमिक नदिने कम्पनीको चलचित्र र म्युजिक भिडियोको काम गर्ने चलचित्र प्राविधिक संघले निर्णय गरेको छ ।
नेपाल चलचित्र प्राविधिक संघमा प्राविधिकहरुको पारिश्रमिक नपाएको गुनासो पटकपटक आएपछि नेपाल चलचित्र प्राविधिक संघका कार्यसमिति र क्रियाशील सदस्यहरुबीच साउन ३० गते बसेको बैठकले यस्तो निर्णय गरेको संघका अध्यक्ष पुस्कर लामाले जानकारी दिए ।
“बैठकको निर्णयअनुसार प्राविधिकहरूले पारिश्रमिक लिन बाँकी रहेका निर्माण कम्पनी, निर्माता, निर्देशक, कलाकार वा कुनै पनि फिल्म र म्युजिक भिडियोमा काम नगर्ने सबैमा जानकारी गराउँदछौं, अध्यक्ष लामाले भने, “यसरी प्राविधिकहरूलाई पारिश्रमिक नदिनेहरूको प्रोजेक्टमा काम नगर्न प्राविधिक मित्रहरूलाई आह्वान गर्दै काम गरेको पाइएमा संघले आगामी दिनमा गर्ने साथ सहयोगमा सोच्न बाध्य हुनेछ ।”
नेपाल चलचित्र प्राविधिक संघले कही समय अगाडिदेखि नै बस्यौता रकम मुक्तानी गर्न आग्रह गरेका थियो ।