पल र अञ्जनाले सुरु गरे ‘यानीमाया’को छायांकन
काठमाडौं । नायक पल शाहको निर्माणमा तयार हुन लागेको चलचित्र ‘यानीमाया’को आजबाट छायांकन सुरु गरिएको छ ।
गागलफेदीको फिल्म स्टुडियोबाट सुरु भएको छायांकन अगाडि शुभसाइत समारोह आयोजना गरिएको थियो ।
ओम प्रतिकको लेखन तथा निर्देशनमा तयार हुने यो फिल्ममा पल शाह, अञ्जना मगर, शिशिर वाङ्देल, गजित बिष्ट, लोकेन्द्र लेखक, अङ्कित खड्का, राज थापा, कर्मा लामा, संगीता थापा, विशाल पुलामी, नारायणी खत्री लगायतका कलाकारहरुको अभिनय रहनेछ ।
फिल्ममा शान्न अधिकारी र मोनिका भण्डारी बाल कलाकारहरुको रुपमा छन् । चन्द्र ज्योती आले र पल शाहको लगानीमा तयार हुन लागेको यो फिल्ममा नवराज उप्रेतीको डीओपी, कुमार महर्जनको एक्सन, गिरिराज घिमिरेको मुख्य सहायक निर्देशन, भूपेन्द्र अधिकारीको सम्पादन रहनेछ ।
विशाल कार्कीको निर्माण व्यवस्थापन रहने फिल्ममा रेनिश फागोको कलर सम्पादन, राजु लामा र सञ्जु ढकालको मेकअप तथा हेयर, आशिष पौडेलको पोशाक डिजाइन रहनेछ ।
सामाजिक प्रेमकथामा निर्माण हुन लागेको यो फिल्मलाई फागुनको ७ गतेबाट रिलिज गर्ने घोषणा समेत निर्माणपक्षले गरेको छ ।
