‘छक्का पञ्जा–५’को पोस्टर सार्वजनिक, दीपकको अपोजिटमा वर्षा

काठमाडौं । चलचित्र ‘छक्का पञ्जा–५’को फर्स्टलुक पोस्टर सार्वजनिक गरिएको छ । निर्माणपक्षले छायांकनमा जानु अगाडि नै चलचित्रको पोस्टर सार्वजनिक गरेको हो ।

पोस्टरमा चलचित्रका निर्माता तथा कलाकार दीपकराज गिरी, निर्देशक दीपाश्री निरौलालगायतले एकसाथ सामाजिक सञ्जाल फेसबुकमा पोस्टर सार्वजनिक गरेका छन् ।

पोस्टरमा दीपकराज गिरी, केदार घिमिरे र वर्षा शिवाकोटी फिचर्ड छन् । पोस्टरअनुसार दीपकको अपोजिटमा वर्षा हुने देखिन्छ ।

• 
• 
• 

चलचित्रलाई दीपाश्री निरौलाले निर्देशन गर्नेछिन् । यसअघि ‘छक्का पञ्जा–४’ हेमराज बिसीले निर्देशन गरेका थिए ।

चलचित्र केही दिनमै छायांकनमा जाँदैछ । चलचित्र ‘छक्का पञ्जा–५’ असोज २४ गते रिलिज हुनेछ । दसैँको अवसर पारेर चलचित्र रिलिज हुनेछ ।