‘आउट लः २१९’को फर्स्टलुकमा एंग्री सुशील, हातमा मेसिनगन

काठमाडौं । स्याडो पिक्चर्स र रेट्रो फिल्मस्को प्रस्तुति रहने चलचित्र ‘आउट लः दभा २१९’को फर्स्टलुक रिलिज भएको छ । सार्वजनिक फर्स्टलुकमा चलचित्रका मुख्य नायक सुशील श्रेष्ठलाई एक्सन एंग्री अवतारमा देखाइएको छ ।

सार्वजनिक पोस्टरमा नायक श्रेष्ठ मेसिनगन बोकेर उभिएका छन् ।

अमित अग्रहरिको निर्माण रहने चलचित्रको फर्स्टलुकसँगै प्रदर्शन मिति पनि सार्वजनिक गरिएको छ । असोजको ३ गतेबाट प्रदर्शनमा आउने चलचित्रमा विक्की महर्जनको लेखन तथा निर्देशन रहनेछ ।

• 
• 
• 

चलचित्रमा सुशीलका साथमा नरेश पौडेल, शिक्षा संग्रौला, सुमन भण्डार, हेम गुरुङ, सोनी लागुनको अभिनय रहनेछ ।

विनोद कडायत र सशांक खड्का कार्यकारी निर्माता रहेको चलचित्रमा विकास चौधरी सह–निर्माता रहनेछन् । नवीन गुरुङको डीओपी रहने चलचित्रमा साहिल खानको सम्पादन छ ।