‘बेहुली फ्रम मेघौली’को फर्स्टलुकमा यस्ती देखिइन् स्वस्तिमा
१९ जेष्ठ २०८१, शनिबार
काठमाडौं । चलचित्र ‘बेहुली फ्रम मेघौली’को फर्स्टलुक पोस्टर सार्वजनिक भएको छ । चलचित्रका मुख्य कलाकार, निर्माता तथा निर्माणपक्षले आज सामाजिक सञ्जालमार्फत पोस्टर सार्वजनिक गरेका हुन् ।
फर्स्टलुकमा नायिका स्वस्तिमा खड्कालाई मात्र स्थान दिइएको छ । उनी ट्याक्टरमाथि चढेर कसैलाई औँला ठड्याइरहेकी छिन् ।
दसैँमा रिलिज हुने ‘बेहुली फ्रम मेघौली’को फर्स्टलुकले स्वस्तिमा केन्द्रीय चरित्रमा रहेको र उनको काँधमा सिनेमा रहेको संकेत गरेको छ । चलचित्रमा स्वस्तिमासँगै मुख्य भूमिकामा निश्चल बस्नेत छन् ।
स्वस्तिमा र निश्चल नै यो चलचित्रका निर्माता पनि हुन् । चलचित्रमा साजन काफ्ले र आकाश बरालको लेखन तथा निर्देशन छ । शंकर पाण्डे र फिरोज खड्का कार्यकारी निर्माता हुन् ।