सुपरहिट सिनेमामा अञ्जनाको ह्याट्रिक
काठमाडौं । अभिनेत्री अञ्जना बराइलीले लगातार तीनवटा सुपरहिट सिनेमा दिएकी छिन् । अञ्जनाले एकपछि अर्को गर्दै लगातार सुपरहिट सिनेमा दिएकी हुन् ।
यसअर्थ उनलाई बक्सअफिसमा हिट अभिनेत्रीका रुपमा लिन सकिन्छ ।
‘महापुरुष’, ‘पुजार सार्की’ र हाल प्रदर्शनरत चलचित्र ‘पूर्ण बहादुरको सारङ्गी’ हिट हुँदा अञ्जना बक्सअफिसमा सफल अभिनेत्रीका रूपमा आफूलाई उभ्याउन सफल भएकी हुन् ।
गतवर्ष रिलिज भएको चलचित्र ‘चित्रा’मा पनि अञ्जनाको अभिनय छ । तर यसमा उनी केमियो रोलमा मात्र छिन् ।
दर्जनौँ सिनेमामा अभिनय गर्दा पनि हिट चलचित्र आफ्नो भागमा नपर्ने थुप्रै अभिनेत्री छन् । तर अञ्जनाले यो समस्याको सामना गर्नु परेन ।
‘महापुरुष’ र ‘पुजार सार्की’ सुपरहिट हुँदा अहिले पूर्णबहादुरको सार्की उच्च शो र अकुपेन्सीसहित चलिरहेको छ । यसले पनि राम्रो कलेक्सन गर्ने निश्चित छ ।
अञ्जना अभिनीत चलचित्रहरू सुपरहिट भए पनि यी तीनवटै चलचित्र फिमेल सेन्ट्रिक भने होइनन् । मुख्य भूमिकामा पुरुष कलाकार नै थिए । उनी मुख्य कलाकारको अपोजिटमा थिइन् ।
तर उनले अभिनय गरेका सबै चलचित्र हिट भएकाले उनको डिमान्ड भने बढ्ने देखिन्छ । अञ्जनाका यी सफलताहरूले उनलाई बक्सअफिसमा प्रमुख अभिनेत्रीको रूपमा उभ्याएको छ।