‘जन्ते बाख्रो’मा गरिमा शर्माको इन्ट्री
१५ मंसिर २०८१, शनिबार
काठमाडौं । सिमोस सुनुवारको निर्देशनमा निर्माण हुने चलचित्र ‘जन्ते बाख्रो’मा अभिनेत्री गरिमा शर्मा अनुबन्धित भएकी छन् ।
यसअघि यो चलचित्रमा अभिनेता आशिफ शाह सौगात मल्ल अनुबन्धित भइसकेका छन्
चलचित्रको कथा, पटकथा तथा संवाद प्रदीप भारद्धाजले लेखेका छन् । कमेडी कथावस्तुमा सिनेमा ‘जन्ते बाख्रो’ निर्माण हुन लागेको हो । बेहुली भित्र्याउने दिन जन्तीलाई खुवाइने भोजलाई जन्ते बाख्रो भन्ने चलन छ । सिनेमाको कथावस्तु यसैको वरिपरि आधारित रहने बताइएको छ ।
मुइन इन्टरटेनमेन्टको ब्यानरमा निर्माण हुने सिनेमामा सन्तोष गौतम र निर्देशक सिमोस सुनुवारको लगानी रहनेछ । सिनेमाको छायांकन हरि हुँमागाईले गर्नेछन् ।