दिनेश राउतको सिनेमाको नाम ‘महाभोज’, यस्तो छ लाइनअप

काठमाडौं । निर्देशक दिनेश राउतले चलचित्रको नाम परिवर्तन गरेका छन् । ‘गाऔँ रमाइलो’ नामलाई परिवर्तन गरेर नयाँ नाम ‘महाभोज’ राखेको स्रोतले बताएको छ ।

विकास सुवेदीको कथा तथा पटकथा रहेको चलचित्रलाई दिनेश राउतले निर्देशन गर्नेछन् ।

चलचित्र ‘महाभोज’ को कलाकारहरूको लाइनअप निकै बलियो रहेको छ। यसमा दयाहाङ राई, खगेन्द्र लामिछाने, आर्यन सिक्देल, मिरुना मगर, अञ्जना बराइली र मलिका महत प्रमुख भूमिकामा देखिनेछन्।

• 
• 
• 

केही दिनमा ‘महाभोज’ छायांकनमा जाँदैछ ।

‘महाभोज’ जेठ १० गते रिलिज हुने बताइएको छ । दिनेशले ‘पूजार सार्की’ रिलिज भएकै मितिमा ‘महाभोज’ ल्याउन लागेका हुन् ।