नेपालमा विष्फोटक ओपनिङ गर्ने ‘पुष्पा २’को संकेत
काठमाडौं । दक्षिण भारतीय चलचित्र ‘पुष्पा २’ ले नेपालमा ऐतिहासिक शो पाएको छ । बिहीबारबाट रिलिज हुने चलचित्रले नेपालमा करिब ६ सयको हाराहारीमा शो पाएको वितरकले बताएका छन् ।
बिहीबारबाट रिलिज हुने ‘पुष्पा २’का लागि हलहरुले बिहान साढे ४ बजेदेखि राति १२ बजेसम्मका लागि शो निकालेका छन् ।
यसअघि, ‘पूर्ण बहादुरको सारङ्गी’ पनि बिहान साढे ४ बजेदेखि नै प्रदर्शनमा आएको थियो । ‘पूर्ण बहादुरको सारङ्गी’ले यो भन्दा कम शो पाउँदा बिहान साढे ४ बजेबाट शो सुरु भएकाले ‘पुष्पा २’को यो भन्दा अगाडि पनि लाग्ने सम्भावना रहेको छ ।
नयाँ नेपाली सिनेमा रिलिज नहुँदा ‘पुष्पा २’ले अधिकांश शो पाएको हो ।
देशभरका अधिकांश पाएकाले यसले विष्फोटक ओपनिङ गर्ने निश्चित छ । बुकिङ खोल्न बित्तिकै देखिएको बुकिङले पनि यसले विफ्फोटक ओपनिङ गर्ने देखिएको हो । ओपनिङको दोस्रो र तेस्रो दिन शुक्रबार र शनिबार ‘पुष्पा २’ तीन दिनमा उछाल ग्रसकलेक्सन गर्ने निश्चित छ । त्यसपछि भने ‘पुष्पा २’ ले व्यापार वर्ड अफ माउथमा भरपर्नेछ ।
अल्लु अर्जुन मुख्य भूमिकामा रहेको चलचित्रमा अभिनेत्री रश्मिका मन्दना पनि छिन् । चलचित्रमा लेखन तथा निर्देशन सुकुमार बान्द्रेडीको छ ।