‘माग्ने राजा’मा केदारको अपोजिटमा को छ ?
२७ मंसिर २०८१, बिहीबार
काठमाडौं । चलचित्र ‘माग्ने राजा’मार्फत हास्य कलाकार केदार घिमिरे पहिलोपटक लिड रोलमा देखिँदै छन् । उनकै क्यारेक्टरमा आधारित रहेर चलचित्रको नाम राखिएको छ ।
उनी आफैँले आज चलचित्रको टाइटल अनाउन्समेन्ट पोस्टर सार्वजनिक गरेका छन् । पोस्टरमा निर्देशक, लेखक र निर्माताको नाम छ तर कलाकारमा केदारबाहेक अरुको नाम छैन ।
स्रोतले बताए अनुसार केदारसँग वर्षा शिवाकोटीले स्क्रिनसेयर गर्नेछिन् । अरु कलाकार टुंगो लाग्न बाँकी छ । दयाहाङ राईसँग कुरा भइरहेको स्रोतले बताएको छ ।
चलचित्रलाई ऋषि लामिछानेले निर्देशन गर्नेछन् । फागुन १ गतेबाट सिनेमाको छायांकन सुरु हुनेछ ।
सामिप्यराज तिमिल्सिनाको कथा रहेको चलचित्रमा मुनाल घिमिरेको लगानी रहनेछ ।