‘जेरीः अन टप’बाट निकालिइन् आना, रिप्लेसमा जसिता
काठमाडौं । चलचित्र ‘जेरीः अन टप’ बाट नायिका आना शर्मा निकालिएकी छन् । निर्माण पक्षले आज आनालाई चलचित्रबाट निकालेको हो । फोटो सुटमा बोलाउँदा नआएको भन्दै निर्माणपक्षले आनालाई चलचित्रबाटै हटाएको स्रोतको भनाइ छ ।
सिनेमाको लाइनअपबाट आनाको बहिर्गमन हुँदा जसिता गुरुङले इन्ट्री मारेकी छन् । अब यो चलचित्रमा अनमोल केसी र आँचल शर्मासँगै जसिता हुनेछिन् ।
चलचित्र ‘जेरीः अन टप’ साउन १ गतेबाट छायांकनमा जाने तयारीमा छ । चलचित्रको वर्कशप समेत सुरु भइसकेको छ ।
सुयोग गुरुङको निर्देशन रहने चलचित्र सरोज न्यौपानेले निर्माण गर्न लागेका हुन् । चलचित्रमा दीपक भण्डारीको पनि लगानी रहनेछ । क्रिएटिभ निर्मातामा ‘फर्की फर्की’ निर्माता रोहित अधिकारी छन् ।
चलचित्रको छायांकन काठमाडौंसँगै मुस्ताङ र लुक्लामा हुने निर्माण पक्षले जनाएको छ ।
यो चलचित्रलाई हेमराज विसीले निर्देशन गर्ने तय भए पनि उनी अमेरिका गएपछि सुयोग भित्रिएका हुन् ।