न्युर्याेकमा कन्सर्ट गर्दै सुशान्त केसी
१५ असार २०८१, शुक्रबार
काठमाडौं । गायक सुशान्त केसीले अमेरिकाको न्युर्याेकमा कन्सर्ट गर्ने भएका छन् । न्युर्याेकस्थित टाइम्स् स्क्वारको प्लाडिनियममा आगामी २० जुलाईमा आयोजना हुने ‘सुशान्त केसी वल्र्ड टुर लाइभ कन्सर्ट इन न्युर्याेक’मा उनले आफ्ना चर्चित गीत गाउनेछन् ।
हलिउड र बलिउडका कलाकारका मात्र कार्यक्रम आयोजना हुँदै आएको भेन्युमा पहिलो पटक नेपाली कलाकारकोे कार्यक्रम हुन लागेको हो ।
कार्यक्रममा सुशान्त सहित ११ जना ब्याण्ड मेम्बरको लाइभ म्युजिक समेत रहनेछ । कार्यक्रमको आयोजना ठमेल एनवाईसीका तर्फबाट लेलिन कडेल, जिमी गुरुङ, रोशन गौचनले गर्दैछन् ।
कार्यक्रममा १६ वर्षभन्दा माथिका दर्शकले मात्र सहभागी हुन सक्नेछन् । न्युर्याेकको प्लाडिनियमपछि सुशान्तको कार्यक्रम अमेरिकाको अन्य ११ स्थानमा समेत हुने आयोजक रोशन गौचनले बताए ।