यति इन्टरनेसनल नेपाली फिल्म अवार्ड–२०२४ लण्डनमा हुने
१६ असार २०८१, शनिबार
यति इन्टरनेसनल नेपाली फिल्म अवार्ड–२०२४ लण्डनमा हुने
यति इन्टरनेसनल नेपाली फिल्म अवार्ड–२०२४ लण्डनमा हुने भएको छ । शुक्रबार पत्रकार सम्मेलनको आयोजना गरी यति नेपाली एसोसिएसन, युकेको आयोजक र सगिक्षा फिल्म ईन्टरनेट प्रालिले व्यवस्थापनमा भदौ १५ गते लण्डनमा अवार्ड प्रदान गरिने जानकारी दिएको हो ।
सन् २०२३ अप्रिल १४ देखि २०२४ जुन २१ सम्म प्रदर्शनमा आएका चलचित्रहरुलाई आधार मानेर उत्कृष्ट ३ छनोट गरिने आयोजक संस्थाले जानकारी दिएको छ ।
इन्फा अवार्ड २०२४ को जुरीमा सुनिल थापा जुरी संयोजक, गौरी मल्ल र उज्ज्वल घिमिरे सदस्य छन् ।
यति नेपाली एसोसिएसन युके तत्कालीन युवराज वीरेन्द्र वीविक्रम शाहको पहलमा पशुपति सम्शेर राणा अध्यक्ष भएर १९६० मा स्थापित संस्था हो ।