‘मिस्टर नेवा ११४४’ घोषणा
२० असार २०८१, बुधबार
काठमाडौं । ‘मिस्टर नेवा ११४४’ घोषणा गरिएको छ । राज्य मिडिया नेटवर्कले प्रतियोगिताका लागि गत असार १७ गतेदेखि आवेदन दर्ता खुला गरेको हो ।
राज्य मिडिया नेटवर्ककी कार्यक्रम निर्देशक सरला डंगोलले नेवार समुदायका युवाले ‘मिस्टर नेवा’मा भाग लिन सक्ने बताइन् । यो प्रतियोगिता नेवा समुदायका युवाका लागि आकर्षक प्लेटफर्म हुने उनको दाबी छ ।
“यो प्रतियोगिता नितान्त सांस्कृतिक उत्थान र युवाको वृत्ति विकासमा लक्षित छ । उनीहरुका लागि आकर्षक प्लेटफर्म हुनेमा म विश्वस्त छुु”, फेसन डिजाइनरसमेत रहेकी कार्यक्रम निर्देशक डंगोलले भनिन् ।
